लण्डन । आश्विन शुक्ल दशमीका दिनमा मनाइने विजयादशमी पर्व मान्यजनबाट दुर्गा भवानीको प्रसादस्वरूप टीका, जमरा थापी नेपाल लगायत विदेशमा समेत उत्साहका साथ मनाइएको छ ।

शनिवार वेलायतस्थित नेपाली समूदायतले नेपालीले मान्यजनबाट टीका र जमरा ग्रहण गरी हर्षोल्लास र उमंगका साथ दशैँ पर्व मनाएका हुन् ।

बडादशैँको दिन वेलायतका लागि नेपाली डा. राजदूत दुर्गा वहादुर सुवेदीले लण्डन दूतावासमा कार्यरत कर्मचारी तथा उनको परिवारलाई टीका लगाइदिए । यस्तै वेलायत भ्रमणमा रहेका प्रधानन्यायाधीश गोपाल पराजुलीसंग सर्वसाधारणसम्म टीका र आशिर्वाद थाप्न दिनभर व्यस्त रहे । दसैँका बेला लगभग फूलपातिदेखि लण्डनस्थित हिन्दू मन्दिरहरुमा समेत चहलपहल बढेको थियो ।

नेपालमा जस्तै दिनभर नेपालीहरु विभिन्न पहिरनमा सजिएर आफन्तकहाँ टीका र आशिर्वाद लिन हिँडेका देखिन्थे । फेलथामस्थित बस्नेत निवासमा टिका ग्रहण गर्नेको उत्साहजनक उपस्थित थियाे । करिब सय जनाले टिका ग्रहण गरे । पण्डित चिरन्जीबी ढकालका अनुसार हिन्दू मन्दिर साउथलमा मात्र करिब १ सय जनाले टिका ग्रहण गरे । मन्दिरमा उपस्थित नेपाली समूदायले पण्डित ढकालसंग टिका ग्रहण गरेका थिए ।

फोटो : सामाजिक संजाल