काठमाडौं । काठमाडौंको मैतिदेवीमा मंगलबार बिहानै बस दुर्घटना हुँदा १७ जना घाइते भएका छन् । घाइतेमध्ये चार जनाको अवस्था गम्भीर छ ।
घाइतेहरुलाई उपचारको लागि नर्भिक र ट्रमा सेन्टर पठाइएको छ ।
सिटी यातायातको बा २ ख ८७३३ नम्बरको बस मंगलबार बिहान सवा ३ बजे बिजुलको पोलमा ठोक्किएर सडकमै पल्टिएको छ ।बस राष्ट्रिय वाणिज्य बैंकको शाखा कार्यालय नजिकै रहेको बिजुलीको जोर खम्बामा ठोक्किएको थियो ।
बाटो फराकिलो पारे पनि बिजुलीका पोल भने नसारिँदा यातायातलाई समेत जोखिम बढाएको छ ।