लन्डन । ग्लोबल पोलिसी फर नेपालका अध्यक्ष तथा बेलायतको लिड्स विश्वविद्यालयका अन्तर्राष्ट्रिय कानुनका प्राध्यापक सूर्यप्रसाद सुवेदीले एक वक्तव्य प्रकाशित गरी नेपालको छापामार शैलीको न्यायप्रति चिन्ता व्यक्त गर्नुभएको छ ।
माओवादी र कांग्रेसको गठबन्धनले छापामार शैलीमा रातारात तत्कालीन प्रधान न्यायाधीश सुशीला कार्कीलाई निर्लज्ज तरिकाले महाअभियोग लगाएको धेरै समय बितेको छैन । अहिले सर्वोच्च अदालत आफैले हतार हतारमा छापामार शैलीमा डा. गोविन्द केसीलाई गिरफ्तार गर्ने आदेश दिनु र प्रहरी प्रशासनले केही राष्ट्रिय महत्वका विषयमा आफ्ना माग राखी शान्तिपूर्ण तरिकाले अनसन बसेका डा. केसीलाई तुरुन्तै पक्राउ गर्नुजस्ता छापामार शैलीको कार्य निन्दनीय छ । यस्ता शैलीले अन्तर्राष्ट्रिय स्तरमा नेपालको छवी धुमिल भएको कुरा प्रा. सुवेदीले आफ्नो वक्तव्यमा भनेका छन् ।