नेपालब्रिटेन संवाददाता
काठमाडौं । काठमाडौं–नयाँदिल्ली रुटमा चल्ने पर्यटक बसबाट प्रहरीले रक्तचन्दन बरामद गरेको छ । नयाँदिल्लीबाट काठमाडौं आएको ना४ख ४५१६ नम्बरको पर्यटक बसबाट ११ किलो रक्तचन्दनसहित प्रहरीले बुधबार बिहान कलंकीबाट दुईजनालाई नियन्त्रणमा लिएको हो ।
गोप्य सूचनाको आधारमा कालिमाटी प्रहरीले बिहान ३ बजे बसमा चेकजाँच गर्दा गाडीमा फल्सबटम बनाइ लुकाइराखेको अवस्थामा माला बनाउनका लागि तयार गरिएको रक्तचन्दनका १३ सय २ दाना फेलापरेको जनाइएको छ ।
