April 1, 2020

विवाहअघि नै अमर यौन तृप्त भइसकेको रहेछ

  17th April 2018 मा प्रकाशित

सरस्वती भण्डारी
केही नाम चलेका पुस्तकका लेखक अमर न्यौपानेले उनकै शब्दमा ‘पे्रमविनाको विवाहबाट छुटकारा पाएँ’ भने । उनलाई विवाहको बन्धनमा राख्ने सरस्वती भण्डारी हुन् । उक्त विवाहलाई सरस्वती यान्त्रिक विवाहको संज्ञा दिन्छिन् । सम्बन्ध विछेदपछि सरस्वतीले भनिन्, ‘अमर नामको अमूक पत्थरसँग फागुन १३ गतेबाट औपचारिक रूपबाट अलग बस्ने निर्णय गरेकी हुँ ।’

० एकतर्फी माया भएको विवाहित जीवन अन्त्य गर्नुभएछ नि ?
– हो, गत फागुन १३ गते औपचारिक रूपमा सम्बन्ध विच्छेद गरेकी हुँ । १२ वर्षमा ढुंगा पनि टुसाउँछ, खोला फर्किन्छ भन्थे । अमरको पनि सोचाइमा परिवर्तन आउला, मलाई पहिलेकै जस्तो माया गर्ला भन्ने लागेर १४ वर्षसम्म पर्खिएँ, अन्ततः उसको सोचाइ र व्यवहारमा कुनै परिवर्तन आएन, त्यसपछि औपचारिक रूपमा सम्बन्ध विच्छेद गरेकी हुँ ।

० पे्रम विवाह थियो होइन ?
– हो, म अबोध बालिकालाई के थाहा ? उसको पे्रम यौन प्यास मेटाउनका लागि गरिएको एउटा नाटक मात्र रहेछ । विवाहअघिसम्म औधि माया पाएकी मैले विवाहपछि १४ वर्षसम्म मायाको भीख माग्दै हिँड्नुपर्ला भनेर कल्पना पनि गरेकी थिइनँ ।

० आफूलाई अबोध भन्नुहुन्छ ?
– ०५६ सालको कुरा हो, म त्यसबेला कक्षा ८ मा पढ्दै थिएँ । उहाँ कलेज पढ्नु हुन्थ्यो । पुरुषको मायाजालमा परेर एउटा महिलाले विवाहअघि गर्न नहुने काम गरें, जसले जीवनभरि पश्चाताप गरिराख्नुपरेको छ । यसलाई म के भनौं ?

० यौन सम्बन्ध अघि विवाह गर्ने सर्त थिएन ?
– त्यति धेरै माया गर्ने मान्छेले विवाह गर्दैन भनेर कसरी विश्वास गरुँ ? म एकक्षण अगाडि भइनँ भने ऊ पानीबिनाको माछाजस्तो छट्पटाउँथ्यो । उसलाई एकान्तमा म चाहिन्थ्यो । अरुले लेखेको कविता सुनाएर भए पनि ऊ मेरो पागलपे्रमी हो भनेर मलाई आश्वस्त पाथ्र्यो ।

० वास्तवमा अमर पे्रमी होइन रहेछन् भन्न खोज्नु भएको ?
– उसको एकसूत्रीय अभियान यौन तृप्ति मात्र रहेछ । यौन प्राप्तिका लागि पे्रम त नाटक मात्र रहेछ । प्रेमको भ्रममा परेर उसलाई शरीर सुम्पनु मेरो गल्ती भयो । मैले ठानें, ऊ मेरो अभिभावक हो, तर म त उसको कठपुतली पो रहेछु ।

० विवाहअघि नै अमर तृप्त भए ?
– मान्छे कामुक स्वभावको हो, जहिले पनि मलाई एकान्तमा लैजाने, यौनिक कुरा गर्ने र आफू सन्तुष्ट हुन्थ्यो । मेरो उमेर परिपक्वता भइसकेको थिएन, यौनांगहरू खासै विकसित भइसकेका थिएनन् । त्यसैले सेक्सका बारेमा खासै ज्ञान थिएन ।

० अमर त्यसबेला कुन उमेरका थिए ?
– मस्त जवान, २४–२५ वर्षको हुनुपर्छ । सम्भवतः स्नातक अध्ययन सकिसकेका थिएन । ऊ कलेजको विद्यार्थी, म स्कुल पढ्थें ।

० दैनिक भेट हुन्थ्यो ?
– जे होस् एकअर्का टाढा नहुनु जस्तो लाग्थ्यो । यौन सुखमा रमाउन घरमा कोही नभएको अवसर खोज्ने, एकान्त र एक्लोपन रोजिन्थ्यो । घरमा कोही छैन भने इसारा गथ्र्यो । हाम्रो घर नजिक–नजिक थियो ।

० के गर्दा अमर तृप्त हुन्थ्यो ?
– चोर पे्रम गर्ने मान्छेको नियत पनि ठीक हुँदैन भन्ने कुराको भेउ मैले पाउन सकिनँ, समर्पित भइदिन्थे, ऊ रमाउँथ्यो । हाम्रो पे्रम छिट्टै विवाहमा परिणत हुने आशामा म पनि ऊप्रति समर्पित भइदिन्थें । मेरो दिल चोरेर उसले मलाई कल्पनाको संसारमा उड्न सिकाएको थियो ।

० नक्कली पे्रम रहेछ भनेर कहिले थाहा भयो ?
– पेटमा बच्चा आयो, समाजमा यसरी बस्नु हुँदैन, विवाह गर्नुपर्छ भनें । त्यसपछि ऊ पेटको बच्चा फाल्ने षड्यन्त्रमा अर्को नक्कली पे्रम गर्न थाल्यो । पेटको बच्चा नफालेसम्म विवाह गर्दिनँ भनेर अड्डी लियो, त्यसपछि चाहिँ अमरको पे्रममा शंका लाग्न थाल्यो । विवाहको आशमा पेटको बच्चा पनि फालें । जसरी अहिले पे्रमविनाको विवाहबाट मुक्ति पाएकोमा ऊ जति खुसी छ, त्योभन्दा कैयौं गुणा खुसी मेरो पेटको बच्चा फाल्दाको क्षण भएको थियो ।

० विवाह त भएछ नि ?
– यसको पनि अनेक उतारचढाव छन् । धेरै कुरा हामी दुई र हाम्रो समाजलाई थाहा छ । जसरी पे्रममा परेर हामीले त्यसबेला समाज देखेनौं, तर हामीलाई समाजले हेरिरहेको हुँदो रहेछ, आवश्यक नपरेसम्म समाज बोल्दैन रहेछ ।

० विवाहपछि ?
– विवाहअघि यौन सुखमा रमाउने, भोग्ने सबै बनावटी रहेछन् । अमर विवाहअघि नै यौन तृप्त भएको रहेछ । विवाहपछि ऊ पुरुषको भूमिकाबाट टाढियो । सम्भवतः सधैंका लागि टाढियो ।

० तपाईंले फकाउनु भएन ?
– विस्तारै परिवर्तन होला भन्ने लागेको थियो । म उसको श्रीमती हुँ, मैले निर्वाह गर्नुपर्ने सम्पूर्ण जिम्मेवारीबाट कहीँकतै कसैलाई कमी हुन दिइनँ । ऊ चितवन छोडेर काठमाडौं बस्न थाल्यो । उसलाई भेट्न काठमाडौं आएँ, अनेकन अपमान र दुव्र्यवहार सहेर उसलाई भेट्न खोजें । मेरो माया त उसले रद्दीको टोकरीमा हालिसकेको रहेछ ।

० अमरको नाम र दामको पछि लागेर लामो समयसम्म डिभोर्स दिन चाहनु भएन भन्नेहरूलाई के जवाफ छ ?
– उसको नाम र दामसँग मेरो कुनै सरोकार छैन । मलाई पतिको नामबाट चिनिनु पनि छैन, म आफ्नो जीवन जिउने क्षमता राख्छु । समस्यासँग भागेर समधान निस्कँदैन, असहमतिका विषयमा छलफल गर्न सकिन्छ । धेरै अगाडि नै छुट्टिन सकिन्थ्यो, कसैलाई डिभोर्स दिन खबर पठाउँदैमा म तुरुन्तै तयार किन हुनु ?

० उहाँ त धेरै चर्चित लेखक हुनुहुन्छ नि ?
– मैले फेसबुकमा एउटा स्टाटस पढें, जुन घत लाग्यो । बलात्कारबाट जोगाउने यौनकर्मीहरूको यहाँ कुनै इज्जत हुँदैन, पुरुषलाई बलात्कारी बनाउन छोटा लुगा र कामुक बनेर हिँड्ने महिलाहरूको यहाँ ठूलो इज्जत हुन्छ । यो वास्तविकता हाम्रो बौद्धिक समाजको चरित्र हो । कलिलो मेरो यौनवन निमोठ्ने ती हातले कमल समात्दैमा समाजलाई असल बाटो देखाउन सक्छ भन्ने मलाई विश्वास छैन । लेखक समाजको पथ प्रदर्शक हो, लेखक त्यस्तो हुनुपर्छ, जो आफू उदाहरण बनेर समाजलाई बाटो देखाउनुपर्छ, अमरबाट त्यो सम्भव होला भन्ने मलाई लाग्दैन ।

० अब के गर्नुहुन्छ ?
– अमरकै हातबाट लिएको सिन्दूरपोते फागुन १३ गतेदेखि उसैको हातबाट त्यागें । रमाउने, गाह्रो सारो सबै भोग्दै आएकै छु । सबै समयको खेल रहेछ, समयले जता डो¥याउँछ, त्यतै लाग्छु ।

० अंश लिनुभयो ?
– अंशबापत जे जति छ, नगद देऊ भनेकी थिएँ, उसले नगद दिन सक्दिनँ भन्यो । पैतृक सम्पत्तिबाट अढाई कठ्ठा माटो पाएँ, जुन लिन पनि धेरै कठिनाइ भोग्नु प-यो ।

० अमरलाई के भन्नुहुन्छ ?
– उसलाई भन्ने कुरा सबै भनिसकेकी छु, यान्त्रिक विवाहको हत्कडीबाट हामी औपचारिक रूपमा स्वतन्त्र छौं, उन्नति–प्रगति होस् शुभकामना ।

प्रतिक्रिया