April 6, 2020

भारत्तोलनका अन्तराष्ट्रिय च्याम्पिएन रुप कार्की एनआरएनए खेलकुद समितिमा

  22nd May 2018 मा प्रकाशित

भारत्तोलनका अन्तराष्ट्रिय च्याम्पिएन रुप कार्की गैरआवासीय नेपाली संघ अमेरिकाको खेलकुद समिति सदस्य मनोनित भएका छन् । समितिको गतसाता बसेको बैठकले भर्जीनिया निवासी कार्कीलाइ उनको विज्ञता र खेलकुद मार्फत नेपालको नाम उँचो बनाउन योगदान दिए बापत मनोनयन गरेको हो ।
नेपालको बुटवल घर भएका कार्की गतबर्ष एटलान्टामा सम्पन्न अन्तराष्ट्रिय भारत्तोलन प्रतिस्पर्धामा स्वर्ण पदका जितेका थियो । भारत्तोलनमा नेपालीले हासील गरेको यो आजसम्मकै सबैभन्दा ठुलो पदक हो । त्यसअधि २०१५ मा उनले उत्तर अमेरिका क्षेत्रीय प्रतिश्पर्धामा पनि स्वर्ण पदक प्राप्त गरेका थिए ।
विगत एक दशकको कडा मेहनतले यो सबै सम्भव भएको बताउने कार्की अब गैरआवसीय नेपालीको संस्थागत अभियान मार्फत आफ्नो सिप नेपालमा हस्तान्तरण गर्ने तयारिमा छन्  ।

अब नेपालमै केहि गर्छु : कार्की

नेपालमा भारत्तोलनका खेलाडिहरु उत्पादन गर्ने तयारिमा जुटेका कार्कीलाइ गैरआवसीय नेपाली संघ अमेरिकाले आवश्यक सहजीकरणका लागी सहयोग गर्ने भएको छ । कार्की नेपालमा एक अत्याधुनीक भारत्तोलन प्रशिक्षण केन्द्र्र संचालन गर्न आगामि साता नेपाल जादैँ छन् । “उचित प्रशिक्षण पाउने हो भने नेपालीले भारत्तोलनमा पनि धेरै राम्रो गर्न सक्छन् । मैले जानेको सिप आफ्नै दाजुभाइलाइ सिकाउ भन्ने मेरो उदेश्य हो,” उनले भने ।
आफ्नै गृहनगर बुटवल र काठमाण्डौमा अत्याधुनीक प्रशिक्षण केन्द्र संचालन गर्ने सोच बनाएका कार्की १२ बर्ष अधि अमेरिका आएका हुन् । नेपालमा केहि गर्ने आफ्नो लामो समयदेखिको चाहनामा एनआरएनए अमेरिकाले सहयोग गर्ने बचन दिए पछि उत्साहि भएका कार्की भन्छन् “हामीले विदेशमा सिकेको सिप र प्रविधिलाइ मातृभूमीको लागी खर्चन सक्नुपर्छ, त्यहि नै असली देशप्रेम हो ।”

प्रतिक्रिया