१६ चैत्र २०८०, शुक्रबार
Follow Us

पूर्वराष्ट्रपति डा यादवद्वारा पुस्तक लोकार्पण

नेपालब्रिटेन संवाददाता
१२ जेष्ठ २०७५, शनिबार १४:३५

काठमाडौं । नेपालको प्रशासनिक संस्कृति नामक पुस्तक सार्वजनिक भएको छ । डा जनार्दनराज लामिछानेले लेख्नुभएको पुस्तकमा विसं ९३७ देखि विसं १८२६ सम्मका घटनाक्रम समेटिएको छ । पुस्तक आज लोकार्पण गर्नुहुँदै पूर्वराष्ट्रपति डा रामवरण यादवले प्रशासनिक क्षेत्रको संस्कृतिको विश्लेषण गरी लेखिएको पहिलो कृति भएको बताउनुभयो ।

बाङमय शताब्दी पुरुष सत्यमोहन जोशीले समग्र नेपालको संस्कृतिका विषयमा पनि अहिलेसम्म पुस्तक नलेखिएको सुनाउनुभयो । त्यस प्रकारको कृति तयार पार्न पनि उहाँले लेखकलाई सुझाव दिनुभयो ।

रत्न पुस्तकालय, बानेश्वरले आयोजना गरेको कार्यक्रममा डा मृगेन्द्रराज पाण्डे, प्राज्ञ दीनेशराज पन्त, पूर्वसचिव मुकुन्दराज अर्याल, लुम्बिनी बौद्ध विश्वविद्यालयका पूर्व उपकुलपति प्रा डा तुलसीराम वैद्य, पुस्तकालयका अध्यक्ष शशीविक्रम राणा लगायतका वक्ताले प्रशासनिक संस्कृति क्षेत्रको इतिहास जान्न पुस्तक महत्वपूर्ण हुनेमा जोड दिनुभयो ।