१६ चैत्र २०८०, शुक्रबार
Follow Us

बेलायतमा नेपाली विद्यार्थीहरुको सम्मान

नेपालब्रिटेन डट कम्
२५ भाद्र २०७३, शनिबार ०४:४४

रेडिङ्ग । यस वर्ष जीसीएस्ई उत्तिर्ण नेपाली विद्यार्थीहरुलाई हाइली स्किल्ड माइग्र्यन्ट फोरम रेडिङ्गले सम्मान गरेको छ। उक्त ‘जीसीएस्ई एप्रिसिएसन’ कार्यक्रममा जीसीएस्ई उत्तीर्ण २८ जना विद्यार्थीहरुलाई ट्रफी र प्रमाणपत्र प्रदान गरी सम्मान गरिएको थियो।

उक्त कार्यक्रमका प्रमुख अतिथी तथा रेडिङ्ग् यूनिभर्सिटी मोडर्न ल्यांगवेज एन्ड यूरोपियन स्टडिजकी अध्यापक डा. एलिसन मार्टिनले यूनिभर्सिटीमा प्रवेश पाउन आवश्यक कुराहरुको चर्चा गर्दै सफलताको लागि विद्यार्थीको मिहेनत र प्रतिवद्धता को साथमा अभिभावक तथा शिक्षकको पनि प्रभावकारी भूमिका रहने कुरामा जोड दिएकी थिईन । यसै गरि नेपाली व्यारिष्टर देबेन्द्र श्रेष्ठले विद्यार्थीले सपना देख्नुपर्ने र उक्त सपना साकार पार्ने अठोटमा अनुशासित भै लाग्नुपर्ने बताउनु भएको थियो । सम्मान कार्यक्रममा रेडिङ्ग् साइन्टिफिक सर्विसेज लिमिटेड’का निर्देशक एलान गन्डलले प्रतिस्पर्धात्मक रोजगार बजारमा विद्यार्थीले आफुलाई तयार राख्नुपर्ने बताउनु भएको थियो।

कार्यकममा जीसीएस्ई परिक्षामा सहभागि विद्यार्थीहरु प्रिज्मा गौतम, अकिशा आचार्य, वेदान्त दुधराज तथा अभिभावकहरु यशोदा पौडेल, ललित दुधराज र कमला गौतम ले जीसीएस्ई परीक्षाको अनुभव व्यक्त गर्नु भएको थियो। सो कार्यक्रममा रसायन शास्त्रमा विद्यावारीधी अध्ययनरत छात्रा सारा गुरुङले आफ्नो अनुसन्धानको छोटो प्रस्तुती दिदै परिक्षाफल जे जस्तो भएपनि ईच्छशक्ती भए आफूले रोजेको बिषयमा सफलता प्राप्त हुन सक्ने बताउनु भएको थियो।

फोरमका संयोजक डा. नवीन आचार्यको अध्यक्षतामा सम्पन्न सम्मान कार्यक्रममा रमेश कायस्थले एचएसएमपि फोरमको संक्षिप्त चिनारी र कार्यक्रमको उद्देश्यको बारेमा चर्चा गर्नु भएको थियो भने फोरमका पूर्व संयोजक महेशहरी आचार्यले कार्यक्रमका सहभागी स्वागत गर्नु भएको थियो ।