काठमाडौं । नेपाली कांग्रेसले सरकारले न्यायालयलाई लाचार छायाँ बनाएको निष्कर्ष निकालेको छ । सभापति शेरबहादुर देउवाको निवास बुढानीलकण्ठमा बसेको पार्टी पदाधिकारी तथा पूर्वपदाधिकारीको बैठकले न्यायालय नियन्त्रणमा लिने प्रयासमा सरकार लागेको आरोप लगाएको हो ।
संसदीय सुनुवाइ समितिमा गरिएको निर्णयले राज्यका सबै अंगलाई सरकारले सत्ताको मातहतमा राख्न खोजेको देखिएको निचोड कांग्रेसले निकालेको हो । संसदीय समितिमा कांग्रेसले बहिष्कार गर्नुपरेको विषयमा सांसदहरुले नेताहरुलाई जानकारी गराएका थिए । संसदीय समितिले प्रधान्यायाधीशमा दीपकराज जोशीको नाम अस्वीकृत गर्दा कांग्रेसले बैठक बहिष्कार गरेको थियो ।