काठमाडौं । काठमाडौंको टोखाबाट तीन किलो सुनसहित दुई जनालाई पक्राउ गरिएको छ । महानगरीय प्रहरी परिसर, टेकुका अनुसार सोमबार साँझ टोखाबाट दुई जनालाई शंका लागेर जाँच गर्दा उनीहरुको साथबाट तस्करी गरिएको तीन किलो सुन भेटिएको हो।
पक्राउ पर्ने रसुवाका पेम्बा लामा र नरबहादुर घले रहेको प्रहरीले जनाएको छ । अवैध सुनसहित पक्राउ गरिएका उनीहरुबारे अनुसन्धान भइरहेको महानगरीय प्रहरी परिसर, टेकुले जनाएको छ।