लण्डन । वेलायत भ्रमणमा रहेका परराष्ट्र सचिव शंकरदास बैरागीले वेलायतस्थित भूपूगोर्खाहरुको समस्याको वारेमा छलफल गरेका छन् । नेपाली दूतावास लण्डनका प्रवक्ता शरदराज आरणका अनुसार बैरागीले वेलायतका आम्र्ड फोर्सेस राज्यमन्त्री मार्क ल्यांकास्टरसंग बुधवार ल्यांकास्टर हाउसमा सो छलफल गरेका हुन् ।

एक साता लामो वेलायत भ्रमणमा आएका बैरागीले यहाँस्थित सरकारी उच्चअधिकारीसंगको भेटघाटलाई तिब्रता दिएका छन् । नेपाली दूतावास लण्डनका अनुसार विभिन्न भेटघाटमा उनले द्धिपक्षीय सम्बन्ध, नेपालको आर्थिक विकास, नेपालमा वेलायतको तर्फवाट उच्चस्तरिय भ्रमण, गोर्खा आन्दोलन, दोहोरो कर लगायतका अजेण्डामा छलफल गरेका थिए ।

Foreign Secretary Mr. Shanker Das Bairagi held a bilateral meeting with the Minister of State for the Armed Forces of the Government of the United Kingdom, Rt.Hon. Mark Lancaster at Lancaster House, London on 14th November 2018. pic.twitter.com/MVhi6KNqZ2

— नेपाली राजदूतावास,लण्डन (@NepalEmbassyUK) November 15, 2018

यस्तै सचिव बैरागीले एसिया तथा प्रशान्त क्षेत्रका राज्यमन्त्री मार्क फिल्डसंघ विहीवार भेट गरेका छन् । उच्च सरकारी अधिकारीसंगको भेटघाटमा वेलायतका लागि नेपाली राजदूत डा. दुर्गा बहादुर सुवेदी तथा नेपालको लागि वेलायती राजदूत रिचर्ड मोरिस समेत सहभागी थिए । सचिव बैरागी आइतवार नेपाल फर्किने तयारीमा रहेको नेपाली दूतावासले जनाएको छ ।

Meeting of Nepal-UK Bilateral Consultation Mechanism at the Foreign and Commonwealth Office, London on 15 November 2018. Foreign Secretary Mr.Shanker Das Bairagi held bilateral meeting with the Permanent Under Secretary Sir Simon McDonald KCMG KCVO and attended BCM Meeting. pic.twitter.com/XBr9mdslSz

— नेपाली राजदूतावास,लण्डन (@NepalEmbassyUK) November 15, 2018

फोटो: नेपाली दूतावास लण्डन