काठमाडौं– नेपाल चिकित्सक संघले डा गोविन्द केसीको मागका सम्बन्धमा छलफल गर्न उपत्यकाभित्र रहेका अस्पतालका सम्पूर्ण चिकित्सकहरुलाई आइतबार त्रि.वि.शिक्षण अस्पताल महाराजगञ्जमा बोलाएको छ ।
संघले शनिबार एक विज्ञप्तिमार्फत भनेको छ, ‘ माथेमा आयोगको प्रतिवेदन, चिकित्सा शिक्षा र स्वास्थ्य सेवाका अभियन्ता डा. गोविन्द के.सी.को पटक–पटकको अनशन र नेपाल सरकारले डा. के.सी.सँग सम्झौता मार्फत गरिएका प्रतिबद्धता विपरित राष्ट्रिय चिकित्सा शिक्षा विधेयक संसदबाट दुई तिहाईको हुर्मत दिदै पास गरिएकोमा डा. गोविन्द के.सी.को १६ औं सत्याग्रह चलिरहेको हुनाले उहाँको जीवन रक्षाका लागि नेपाल चिकित्सक संघले मिति २०७५ माघ १३ गते आईतबार दिउसो १ः०० बजे काठमाडौं उपत्यकाभित्र रहेका अस्पतालका सम्पूर्ण चिकित्सकहरुलाई त्रि.वि.शिक्षण अस्पताल महाराजगञ्जको प्रांगढमा उपस्थित भई डा. गोविन्द के.सी. को जीवन रक्षार्थ नेपाल चिकित्सक संघले निर्वाह गर्ने भूमिकाका सम्बन्धमा बृहद छलफल गर्ने निर्णय गरिएको हुनाले यहाँहरुको गरिमामय उपस्थितिका लागि हार्दिक अनुरोध गरिन्छ ।’