टोकियो । एक महिना अघि मात्र छोरीलाई जन्म दिएकी सुत्केरी अवस्थामै अस्पतालमा उपचाररत नेपाली महिलाको जापानमा निधन भएको छ ।
जापानको नागोयामा उपचाररत म्याग्दी राखु घर हुनुभएकी प्रमिला दर्जीको उपचारको क्रममा बिहिबार साँझ अल्पायुमै निधन भएको हो ।
ब्रेन ट्युमरबाट पीडित प्रमिलाको उपचारकै क्रममा बिहिबार राती निधन भएको हो ।
निधन हुनुभएकी प्रमिला पती दिनेश दर्जीका साथमा बस्दै आउनुभएको थियो ।
दर्जी विद्यार्थीका रुपमा ४ बर्षअघि जापान आएर हाल रोजगार गर्दै आउनुभएको छ ।
विद्यार्थीको रुपमा आएर संघर्ष पश्चात केही समयअघि मात्र रोजगारी थालेका दर्जीलाई पत्नी बियोगसँगै शिशु छोरी पालनपोषणको ठूलो जिम्मेवारी पर्न गएको छ ।
प्रमिलाको उपचारका लागि मोना जापानको पहलमा आर्थिक संकलन समेत भईरहेको थियो ।
निधन हुनुभएकी प्रमिलाको भोली जापानमै दाहसंस्कार गरिने टोकियो समाचार अनलाइनले जनाएको छ। उनको भोली शनिवार बिहान ९.२० बजे मियकेनको निशिबेस्शो, कुवानामा अन्त्येष्टि गरिने भएको छ ।
