April 8, 2020

‘प्रदीप पौडेलदेखि चन्द्र भण्डारीसम्मले यसरी सम्झिए रवीन्द्रलाई’

  28th February 2019 मा प्रकाशित

पर्यटनमन्त्री तथा नेकपा नेता रवीन्द्र अधिकारीको निधनलाई लिएर उनको समकक्षी नेताहरुले यसरी सम्झिएका छन्ः

शंकर पोखरेल

 


लुम्बिनि अन्तराष्ट्रिय विमानस्थललाई सुधार गर्ने, गौतम बुद्ध अन्तराष्ट्रिय विमानस्थललाई समयमै सम्पन्न गर्ने र पोखरा अन्तराष्ट्रिय विमानस्थललाई अघि बढाउने जस्ता महत्वपूर्ण कामहरु उहाँका प्रमुख विषयहरु थिए । भिजिट नेपाल २०२० लाई महत्वपूर्ण पक्ष बनाएर उहाँ अघि बढ्ने कोसिस गरिरहनु भएको थियो । त्यसमा एउटा महत्वकांक्षि लक्ष्य पनि थियो । नेपालको पर्यटनलाई दोब्बर गर्ने लक्ष्यका साथ उहाँ अगाडि बढ्नु भएको थियो । त्यस अर्थमा यो दुर्घटनामा ठूलो क्षति पुगेको छ ।
नेपाल सरकारले एकजना सक्षम मन्त्री मात्र गुमाएको छैन । भविष्यको एउटा सम्भवनाको नेता पनि गुमाएको छ । त्यस अर्थमा यो पार्टीमा ठूलो क्षति पुगेको छ ।

माननिय सांसद डा. सूर्य पाठक

अग्नि सापकोटा

रवीन्द्र अधिकारी राजनीतिक नेताका साथै कुशल व्यक्तित्व पनि हुनुहुन्थ्यो । उहाँले पर्यटनमन्त्रीको रुपमा एक वर्षको अवधिमा पर्यटन क्षेत्रको सुधारको लागि एउटा राम्रो आधारशिला तयार गर्नभएको थियो । एक खालको नतिजा पनि हासिल गरिसक्नु भएको थियो । यसबाट देशले होनहार नेताका साथै एउटा कुशल र दूरदर्शी नेता हाम्रो पार्टी नेपाल कम्युनिष्ट पार्टी (नेकपा) र राष्ट्रले गुमाएको छ । विद्यार्थी राजनीतिमा होस् या पार्टीको जिम्मेवारीमा किन नहोस् उहाँ जीवनको अन्तिम घडीसम्म जनता र संगठनकै लागि सक्रिय रहनुभयो । हामी उहाँको योगदानको भूमिकाको सँधै स्मरण गरिरहनेछौं ।

चन्द्र भण्डारी


अधिकारीजी र मलगायत हामी धेरै साथीहरु मिलेर विद्यार्थीकालमा राजनीतिक र प्रजातान्त्रिक आन्दोलनमा सँगै काम गर्यौ । रवीन्द्र एउटा अनुशासित मर्यादित र शिष्ट व्यक्तित्व हुनुहुनन्थ्यो । व्यक्तिगत रुपमा उहाँले मलाई सँधै दाजु भनेर सम्बोधन गर्नुहुन्थ्यो । फरक मतमा पनि हाम्रो मन एउटै थियो । संविधान निर्माणमा, राष्ट्रलाई हेर्ने दृष्टिकोणमा, समाजलाई हेर्ने दृष्टिकोणमा, जनतालाई हेर्ने दृष्टिकोण र भोलिका नेपाल कस्तो बनाउने भन्ने विषमया हामी विभिन्न मतमा विभाजित भएपनि उहाँ असल, सज्जन र अनुशासित र शिष्ट हुनुहुन्थ्यो ।
रवीन्द्र एउटा गाउँबाट आएर मेहनत गरेर कुनैपनि चिजमा विचलित नभईकन युवाहरुको पनि नेतृत्व गर्न सक्ने, प्रौढहरुको पनि नेतृत्व गर्न सक्ने विलक्षण प्रतिभा र आफूलाई अहिलेको तडकभडकमा पनि आफूलाई शालिनतापूर्वक प्रस्तुत गर्न सक्ने क्षमता भएका व्यक्ति हुन् । र, आफूलाई दिएको जिम्मेवारी कूलतापूर्वक निर्वाह गर्ने गरेको मैले पाएको छु । पर्यटनमन्त्रीकै रुपमा उहाँले आफ्नो कार्यक्षेत्रमा रहेका एयरपोर्टहरु कहाँ चलेका छन्, कसरी चलेका छन् भन्ने बुझ्ुन आफैं दौडधूप गनुहुन्थ्यो । त्यो भनेको उहाँको जिम्मेवारी पन हो । जिम्मेवारी लिएर जिम्मेवारी पूरा नगर्नेहरुको बाहुल्यता भएको अवस्थामा आफ्नो जिम्मेवारी निभाउनु पर्छ भन्ने उहाँमा सोच थियो । कुनै पदमा पुगिसकेपनि कमीकमीजोरी पनि हुन्छन् । औंला पनि ठडिन्छन् । सबै कुराहरुलाई उहाँले हासेर दिनुहुन्थ्यो । सबै कुरामा उहाँ शालिनतापूर्वक जिम्मेवारी निभाउनु भएको छ । उनी एक सम्झनालायक नेताका रुपमा मैले लिएको छु ।

प्रदीप पौडेल


रवीन्द्र अधिकारी धेरै सम्भावना बोकेको एक नेता हुनुहुन्थ्यो । मलाई लाग्छ त्यो उमेरमा नेपालको राजनीतिमा उहाँ जुन भूमिकामा पुग्नु भयो त्यसले उहाँले देशका लागि गर्न सक्ने प्रशस्त सम्भावना र प्रशस्त ठाउँ बनेको थियो । तर उहाँ अल्पायूमै जानु भयो । उहाँको स्वाभाव अत्यन्तै सरल खालको थियो, उहाँ एक मध्यमवर्गीय किसान परिवारबाट उठेर यहाँसम्म आइपुग्नु भएको थियो जुन हाम्रा लागि पनि प्रेरणा बनेको थियो । उहाँ सबैसँग मिठो बोल्ने, सबैसँग सरल व्यवहार गर्ने मान्छे हुनुहुन्थ्यो । विशेषगरी विद्यार्थी आन्दोलनको नेतृत्व गर्दा हामी पनि उहाँसँगसँगै हिँड्यौं । हामी फरक संगठन र विचारका हौं तर पनि हामीलाई कहिल्यै त्यस्तो अनुभव हुँदैनथ्यो । व्यक्तिगत रुपमा पनि उहाँ अन्यन्तै मिलनसार व्यक्ति हुनुहुन्थ्यो । विद्यार्थी राजनीतिमा उहाँको नेतृत्व हुँदा केही उपलब्धीहरु हाँसिल भएका छन् । प्रवीण गुरुङको द्धटनामा उहाँले जुन साहस देखाउनु भयो त्यो एकदमै ठूलो कुरा थियो । विद्यार्थीलाई ३३ प्रतिशत सहुलियतको विषय पहिले नै आएको थियो तर त्यसलाई कार्यान्वयन गराउन उहाँको एकदमै सक्रियता रहेको जस्तो लाग्छ । उहाँ तीन पटकसम्म लगातार जनप्रतिनिधि निर्वाचित बन्नुभयो । विशेगरी गण्डकी प्रदेश क्षेत्रमा उहाँलाई एउटा आइडल व्यक्तित्वको रुपमा हेरिन्छ । यस्ता व्यक्तिलाई हामीले गुमायौं हामी सँगै रहँन सकेनौं यो अत्यन्त दुखको कुरा हो ।

प्रतिक्रिया