लामो समयदेखि स्वीजरल्याण्डमा बस्दै आएका दल बहादुर पुनले विगत दुई वर्षदेखि क्यान्सर रोगले पीडितभै उपचार गराई रहेका सुजन पुनको उपचार लागि सहयोग जुटाएका छन् ।

उनले स्विजरल्याण्डमा बस्ने नेपालीहरुबाट आर्थिक स्थिति कमजोर भएका अन्नपूर्ण गाउँपालिका कास्कीका २५ वर्षीय सुजन पुनको उपचारका लागि रु ३ लाख २३ हजार नेपाली रुपैयाँ जुटाएका हुन् ।

उक्त रकम दल बहादुर पुनकी बैनी माया पुन मार्फत बिरामीका बुवा देउवहादुर पुनलाई अस्पतालमा पुगेर हस्तान्तरण गरिएको छ ।

पुनको काठमाडौँको मेडिसिटी अस्पतालमा उपचार भैरहेको छ ।