August 5, 2020
6:24 AM | 11:09 AM

सिरक उद्योगमा आगलागी, १५ लाख बराबरको क्षति

  16/03/2019 मा प्रकाशित

दाङ । यहाँको एक सिरक डसना उद्योगमा आज आगलागी हुँदा करीब रु १५ लाख मूल्य बराबरको क्षति भएको छ ।

जिल्ला प्रहरी कार्यालयका अनुसार नुवाकोटको मेगङ गाउँपालिका–३ का अनिल गुरुङले घोराही उपमहानगरपालिका–१० नारायणपुरस्थित प्रकाश न्यौपानेको घरमा सञ्चालन गर्दै आइरहेको सिरक डसना उद्योगमा आगलागी हुँदा उक्त क्षति भएको हो ।

कारखानामा विद्युत् सर्ट भई आगलागी हुँदा कारखानामा रहेका सिरक, डसना, कपास र मेशिनसहित करीब रु १५ लाख बराबरको क्षति भएको प्रहरी उपरीक्षक बेलबहादुर पाण्डेले जानकारी दिए ।

आगलागीबाट मानवीय क्षति भने नभएको प्रहरीले जनाएको छ । दमकल, प्रहरी र स्थानीयको सक्रियतामा आगो नियन्त्रणमा लिइएको थियो ।
डिसी नेपाल

प्रतिक्रिया