लन्डन- हिन्दु नेपालीको महान पर्व विजयादशमी, दीपावली, छठ, माघी लगायतको अवसर पारेर लन्डनस्थित नेपाली दूतावासमा शुभकामना आदान प्रदान कार्यक्रम सम्पन्न भएको छ।
सोमवार नेपाली दूतावास भवनमा आयोजित कार्यक्रममा उपस्थित अतिथिहरुलाई स्वागत गर्दै बेलायतका लागि नेपाली राजदूत दुर्गा बहादुर सुवेदीले बेलायतस्थित नेपाली समूदायको हक हित र अधिकारका लागि काम गर्ने बताए। उनले आफ्नो आगामी ४ बर्षे कार्यकाल नेपालको विकासको लागि योगदान गर्दै नेपाल र नेपालीको सिरलाई विश्वसमूदायका बीच उच्च र अक्षुण राख्न प्रत्यन गर्ने बताए। दुई हप्ता अघि मात्र आफ्नो पदभारग्रहण गरेका राजदूत सुवेदीले दूतावास भित्र साना कामबाट सुधार गर्दै दूतावासलाई थप व्यवस्थित बनाउदैं लैजाने प्रतिबद्धता जनाए।
कार्यक्रममा गैरआवासीय नेपाली सँघ यूकेका अध्यक्ष मुछेत्र गुरुङ, व्यवसायी राजेन्द्र खेतान, प्राध्यापक सूर्य सुवेदी, पूर्वमन्त्री तथा सांसद रेशम लामा लगायत करिव ४ दर्जन संघसँस्थाका प्रतिनिधी लगायतको उपस्थिती थियो।