काठमाडौं । लगानी सम्मेलनमा सहभागि हुन गैरआवासिय नेपाली संघ (एनआरएनए) का नेताहरु काठमाडौंमा जम्मा भएका छन् । सम्मेलन शुक्रवार देशी शुरु भएको लगानी सम्मेलनबाट ‘एनआरएन इन्फ्रास्ट्रक्चर इन्भेष्मेन्ट कोष’ निर्माण गरेर नेपालमा १० अर्बको लगानी गर्ने तयारीमा जुटेको एनआरएनले विदेशी लगानी भित्र्याउनका लागि सरकारलाई सहयोग समेत गर्ने बताइएको छ ।

सम्मेलनमा एनआरएनको तर्फबाट अध्यक्ष भवन भट्टले प्रस्तुति दिनेछन् भने संस्थापक अध्यक्ष उपेन्द्र महतोलाई पनि वक्ताको रुपमा आमन्त्रण गरिएको छ । महतोले सरकारले आफूलाई वक्ताको रुपमा आमन्त्रण गरिएको जानकारी दिए ।
लगानी सम्मेलनमा सहभागि हुन पूर्व अध्यक्ष जीवा लामिछाने, हालका अध्यक्ष भट्ट, महासचिव बद्री केसी, उपाध्यक्षहरु कुल आचार्य, कुमार पन्त, प्रवक्ता भूषण घिमिरेलगायतका दर्जनौ एनआरएनका नेताहरु काठमाडौं आएका छन् ।
सरकारी स्रोतका अनुसार सरकार र एनआरएनबीच कोष खडा गर्नेबारे सम्भवत शनिबार सम्झौतापत्रमा हस्ताक्षर हुनेछ ।

यसकारले यसअघि नै एनआरएनसँग हुने सो समझदारीका लागि मन्त्रिपरिषद्बाट प्रस्ताव पारित गरिसकसकेको छ

सो कोषको अधिकृत पुँजी २० अर्ब र चालु पुँजी १० अर्ब रहने छ भने कोषमा नेपाल सरकार समेतको लागानी रहने बताइएको छ ।
सरकारले यस पटक आयोजनाको किटान नै गरेर ७७ वटा आयोजनालाई सोकेसमा राखेको छ ।
सम्मेलनमा ४० मुलुकका ६ सयभन्दा बढी प्रतिनिधिको सहभागिता छ ।