लण्डन– एनआरएन उपाध्यक्ष कुमार पन्तसहितका केही एनआरएनका नेताहरुको सक्रियता नेपालको बारा जिल्लामा आएको भीषण आँधुहुरीपछि पीडित बनेकाहरुलाई राहत वितरण गरिएको छ ।

प्रदेश २ का मुख्यमन्त्री लालबाबु राउत, सम्बन्धित क्षेत्रका सांसद तथा गाउँपालिकाका जनप्रतिनिधि र बाराका प्रमुख जिल्ला अधिकारीसँगको सरसल्लाह एवं सहयोगमा जिल्लाका विभिन्न ५ स्थानमा बुधबार राहत वितरण कार्य सम्पन्न गरिएको पन्तले जानकारी दिए ।
उनका अनुसार राहत सोमबारदेखि वितरण थालिएको थियो । जसअनुसार प्रभावित ५०० परिवारलाई चामल २५ किलो, आलु ५ किलो, दाल २ किलो, तेल १ लिटर , वाल्टी १ र जग १ थान वितरण गरिएको थियो ।

प्रभावित क्षेत्रमा पुगेर पन्तसहितले राहतका लागि सक्रियता देखाएको भन्दै एनआरएन बृत्तमा प्रशंशा भइरहेको छ ।

राहत वितरणमा एनआरएन नेताहरु रामेश्वर शाह र रतन झापनि खटिएका थिए ।

गत अाइतबार अाएकाे हावाहुरीका कारण बारा र पर्सामा समेत गरी २८ जनाकाे ज्यान जानुका साथै ५०० बढी घाइते भएका छन् र हजाराैं प्रभावित भएका छन् ।