August 7, 2020
10:41 PM | 3:26 AM

गच्छदारले बुझाए निधिलाई २५,४६८ क्रियाशिल सदस्यको विवरण

  11/04/2019 मा प्रकाशित

काठमाडौं–नेपाली काँग्रेसको पार्टी एकता सम्बन्धी आवश्यक कार्य गर्नका लागि गठित समायोजन समितिको बैठक पार्टी उपसभापति एवं समायोजन समितिका संयोजक विमलेन्द्र निधिको संयोजकत्वमा आज पार्टी केन्द्रीय कार्यालय सानेपामा बसेको छ ।

आजको बैठकमा पार्टी उपसभापति एवं तत्कालीन नेपाल लोकतान्त्रिक फोरमका अध्यक्ष विजयकुमार गच्छदारले तत्कालीन नेपाल लोकतान्त्रिक फोरममा रहेका देशभरका २५,४६८ जना क्रियाशील सदस्यका साथै महाधिवेशन प्रतिनिधि र महासमिति सदस्यको नामावली सहितको विवरण पार्टी निधिलाई हस्तान्तरण गरेका छन् ।
कांग्रेस केन्द्रीय कार्यसमितिको गत कार्तिक २० गतेको बैठकको निर्णय अनुसार, कांग्रेस र तत्कालीन नेपाल लोकतान्त्रिक फोरमका सांगठनीक संरचना, भ्रातृ संघ एवं शुभेच्छुक संस्थाको समायोजन गरी एकता गर्ने निर्णय भएको थियो ।

प्रतिक्रिया