काठमाडौं। राष्ट्रपति विद्या देवि भण्डारीले संसदको संयुक्त बैठकमा आर्थिक बर्ष २०७६(७७को नीति तथा कार्यक्रम सार्वजनिक गरेकी छिन्। उक्त नीति तथा कार्यक्रम सार्वजनिक गर्ने क्रममा राष्ट्रपतिले ‘मेरो सरकार’ भनेर नेपाल सरकारलाई सम्बोधन गरेकी हुन्।

सामाजिक संजालमा राष्ट्रपतिले भनेको ‘मेरो सरकार’ प्रति प्रश्न उठेको छ। नेपाल सरकारलाई ‘मेरो सरकार’ भन्दा सुन्नेहरुलाई अफठ्यारो महशुस भएको छ। गणतन्त्र आउनु अघि नेपालमा ‘श्री ५ को सरकार’ रहँदा राजाहरुले ‘मेरो सरकार’ भन्ने गरेका थिए।
यस्तै नेपाली कांग्रेसका प्रवक्ता विश्वप्रकाश शर्माले यसरी नेपाल सरकारलाई राष्ट्रपतिले ‘मेरो सरकार’ भन्न मिल्छ भनेर प्रश्न उठाएका छन् ।

सम्माननिय @PM_Nepal मेरो देशमा नेपाली जनताले बनाएको नेपाल सरकार छ कि रास्ट्रपतिको सरकार  ?

कुनै बेला `श्री ५ को´ सरकार थियोे, राजाले `मेरो सरकार´ भनेर सम्बोधन गर्थे l आज रास्ट्रपतिले उहि शैलीमा भन्न मिल्ने हाम्रो संविधानको कुन धारामा ब्यवस्था छ ?

— Bishwa Prakash शर्मा (@bishwaprakash77) May 3, 2019

रास्ट्रपतिलाई रास्ट्रपतिनै रहन दिउं सरकार, राजतन्त्र विदा गरेका नेपाली नागरिकलाई
`रानी´ बोक्ने कुनै रहर छैन !

दशैंको टीका प्रकरण अनि आजको `मेरो सरकार´ सामान्य त्रुटि विल्कुलै होइन !

— Bishwa Prakash शर्मा (@bishwaprakash77) May 3, 2019