नेपालब्रिटेन डट कम्
लण्डन । साउथ ह्यारो स्थित गोल्डेनसिप रेस्टुरेन्टमा गायिका स्मृती पोखरेलको बिशेष साङ्गितीक साँझ हुने भएको छ।
२६ मे आइतबार साँझ गोल्डेनसिपमा स्मृतीले आफ्नो प्रस्तुती देखाउने भएकी हुन् । कार्यक्रम साँझ साढे ६ बजेदेखि राति अबेरसम्म सञ्चालन हुने आयोजक देव गुरुङले बताए । कार्यक्रममा प्रवेश शुल्क समेत नराखिएको उनले बताए ।
आयोजक गुरुङले सहभागिताका लागि त्यहाँका सबै नेपालीलाई आग्रह गरेका छन् ।
यसैबीच, एक म्युजिक भिडियो छायाँकनको लागि स्मृती केही दिन बेलायतमा रहनेछिन् । “तिम्रो चन्चले चुलबुले” बोलमा रहेको गीतको छायाँकन बेलायतमा गरिन लागेको हो । सुजन ढकालको शब्द र संगीत रहेको गीतको भिडियोमा स्मृतीको नै अभिनय रहनेछ ।
