काठमाडौं – नेपाली होस् वा हिन्दी फिल्म अब भने नेपालमा रिलिज शुक्रबार नै हुने भएको छ । चलचित्र बिकाश बोडले सबै प्रकारको नयाँ फिल्म नेपालमा शुक्रबार मात्र रिलिज हुने जनाएको छ ।
बिकाश बोर्डले शुक्रबार मात्र नेपाली फिलम रिलिजको बिरुद्धमा फिल्म बितरक कम्पनी ब्याङ्कटेस ईन्टरटेन्मेन्टले फिल्म भारत रिलिज गर्न जिल्ला अदालत काठमाडौंमा मुद्धा दर्ता गरेको थियो । त्यसमाथी कार्वाही गर्दै जिल्ला अदालतले चलचित्र विकास बोर्डलाई विपक्ष बनाउँदै फिल्म भारत बुधबार रिलिज नरोक्न स्टे अर्डर दिईएको थियो । सोही कारण भारत बुधवार नै नेपालभर रिलिज भएको थियो ।
चलचित्र विकास बोर्डले नेपाली फिल्मको प्रवद्र्धनको लागि सबै फिल्म शुक्रवार नै रिलिज बोडले गरेको निर्णय काठमाडौं जिल्ला अदालतलाई स्पष्टिकरणको रुपमा पठाएको थियो ।
चलचित्र विकास बोर्डले दिएको स्पष्टिकरणको आधारमा काठमाडौं जिल्ला अदालतले अघिल्लो स्टे अर्डर खारेज गरेको बोर्ड अध्यक्ष केसव भट्टराइले बताए । उनले अब सोही प्रकृतीका मुद्धाहरु समेत अदालतमा नजाने जानकारी दिए ।
ब्याङ्कटेस ईन्टरटेन्मेन्टले भारत रिलिजका लागि आफ्नो स्वार्थका आधारमा एक पक्षिय तरिकाले काठमाडौं जिल्ला अदालतमा मुद्धा दर्ता गरेको र अदालतले त्यसको पूर्ण कार्वाहीलाई थाति राख्दै स्टे अर्डर दिएको थियो । विकास बोर्डको स्पष्टिकरण पछि उक्त मुद्धालाई पूर्ण रुपमा कार्वाही गर्दै स्टे अर्डर खारेज गरेको हो ।
स्टे अर्डर खारेजसँगै अब सबै फिल्म शुक्रवार मात्रै रिलिज हुने बोर्डले जनाएको छ । ‘एउटा घटनाबाट पाठ सबै निर्माता र वितरकले सिक्नु जरुरी छ । यो घटना कसैको फाईदा र बेफाईदाको लागि हैन । समग्र नेपाली फिल्मको पक्षमा, नेपाली फिल्मको हितमा हो’ बोड अध्यक्ष भट्टराइले भने ।