लन्डन । बेलायतको उच्च अदालतले युरोपेली संघवाट बाहिरिने सरकारको तयारी विरुद्ध फौसला सुनाएको छ । बिहीबार लन्डनस्थित उच्च अदालतले निर्णय सुनाउँदै भनेको छ, ‘संसदको अनुमतिबिना इयुबाट छुट्टिने निर्णय कार्यान्वयन हुन सक्दैन ।’
अदालतको पछिल्लो फैसलाले गत जुलाइ महिनामा भएको जनमत संग्रहको निर्णयलाई प्रभावित पार्ने विश्लेषण गरिएको छ । अदालतको पछिल्लो फैसलाप्रति बेलायती सरकारले असन्तुष्टि जनाउदै यसमाथि अपिल गर्ने जनाएको छ । आगामी बर्षको सुरुमै इयुबाट बाहिरिने प्रक्रिया अगाडी बढाउने सरकारको तयारीलाई अदालतले चुनौति दिएपछि प्रधानमन्त्री थेरेसा मेलाई ठूलै झट्का लागेको बताइएको छ ।
अदालतको निर्णयप्रति सरकारले अपिल गरेमा सो अपिलमाथिको सुनुवाई डिसेम्बरको पहिलो साता हुने अपेक्षा गरिएको छ । उक्त अपिलमा पनि सरकार पराजित भएमा बेलायत यूरोपेली संघबाट छुट्टिने बारेमा बेलायती संसदमा छलफलपछि भोटिङ हुनेछ । बेलायती संसदमा अधिकांश संसद बेलायत यूरोपेली संघबाट बाहिरिन नहुने भन्नेहरुको बहुमत भएकाले जनमत संग्रहको निर्णय उल्टिन सक्ने सक्ने विश्लेषण कतिपयको छ ।
अदालतको पछिल्लो फैसलालाई लिएर नेपाली समूदायतमा समेत चर्चाको बिषय बनेको छ । हेरौं समाजिक सञ्जाल फेसबुकमा प्रस्तुत विचारहरु