लण्डन । गैरआवासीय नेपाली संघ (एनआरएनए) युकेको विहीवारबाट सुरु भएको मतगणनामा अध्यक्षका प्रत्यासी शेर सुनारले अग्रता कायम राखेका छन्। शुक्रवार राति निर्वाचन समितिले दिएको जानकारी अनुसार १० केन्द्रको मतगणना गर्दा सुनार १४१ मत अघि छन् । सुनारले २४५५ र गुरुङले २३१४ मत प्राप्त गरेकी छन् ।

१३ मतदान केन्द्र मध्य अल्डरशट, ह्यारो र बेजिगंस्टकको परिणाम आइसकेको छैन् । बेजिगंस्टकको मात्र मतगणनाको परिणाम आउन बाँकी छ । उपाध्यक्षहरु प्रेम गाहामगर, रोजिना राई, पशुपति पोखरेलको अग्रता छ ।

सचिवमा भोलाविक्रम राई, कृष्ण ढकाल, जीत रानाभाट अघि छन् । महासचिवमा फडिन्द्र भट्टराईले अर्का प्रत्यासी कर्मा पहाडीलाई निकै पछि पारेका छन् भने आइसीसी सदस्यमा योग कुमार फगामी, सुशिला राई, दयानिधि सापकोटा, अर्कराज तिमल्सिना, लिलादेवी गुरुगं र ललित न्यौपानेको अग्रता कायम छ । गत शनिवार भएको मतदानमा ९ हजार २ सय ५३ मत खसेको थियो । मतगणना जारी छ ।