February 27, 2020

भ्रमण गरेर नेपाललाई सहयोग गर्न पर्यटनमन्त्री भट्टराईको आग्रह

  2nd November 2019 मा प्रकाशित

लन्डन– संस्कृति पर्यटन तथा नागरिक उड्यनमन्त्री योगेश भट्टराई वेलायत भ्रमण आएकै दिन एक च्यारिटी कार्यक्रममा सहभागी भएका छन् ।

मन्त्री भट्टराई सपोट नेपालको आयोजनामा शनिवार साँझ स्टकिन चर्चमा आयोजित एक च्यारीटी कार्यक्रममा सहभागी भएका हुन् ।

कार्यक्रमलाई सम्वोधन गर्दै मन्त्री भट्टराईले नेपाल राजनैतिक स्थिरता पछि विकासको बाटोमा लागेकाे बताए । उनले नेपाल भ्रमण गरेर नेपाल र नेपालीहरुलाई सहयोग गर्न समेत आग्रह गरे ।

कार्यक्रमलाई सम्वोधन गर्दै बेलायतका लागि नेपाली राजदूत डा. दुर्गा बहादुर सुवेदीले  दुई तिहाई बहुमतको वर्तमान नेपाल सरकारको पहिलो प्रथामिकता आर्थिक विकास भएको वताए ।

उनले महाभूकम्प पछि पनि नेपाल भ्रमण गर्नको लागि शान्त र सुरक्षित रहेको जानकारी दिए । उनले नेपाल- बेलायतको ऐतिहासिक सम्वन्धको बारेमा समेत चर्चा गरे ।

कार्यक्रममा संस्कृति पर्यटन तथा नागरिक उड्यन मन्त्रालयका उच्च अधिकारी, नेपाल टुरिजम बोर्डका पदाधिकारी, लगायत साहारा युकेका प्रतिनिधीहरुको बाक्लो उपस्थिती थियो । कार्यक्रममा विविध सांस्कृति कार्यक्रम प्रस्तुत गरिएको थियो ।

मन्त्री भट्टराई नोभेम्बेर ४ देखि ७ सम्म लण्डनको एक्सेल एक्जिबिशन सेन्टरमा हुन गैरहेको वल्र्ड ट्राभल मार्टमा सहभागी हुन बेलायत आएका हुन् ।

भ्रमणका क्रममा भट्टराईले नेपाली दूतावास लण्डनले आगामी मंगलवार साँझ दुतावास भवनमा आयोजना गर्ने पर्यटन प्रर्वद्धन सम्वन्धित एक कार्यक्रममा सहभागी हुने छन्।

 

 

 

प्रतिक्रिया