August 8, 2020
9:39 PM | 2:24 AM

कञ्‍चनपुरमा हात्ती आतंक

  12/12/2019 मा प्रकाशित

महेन्द्रनगर : महाकाली नगरपालिकामा हात्ती आक्रमणबाट दुईजना महिलाको मृत्यु भएको घटना सेलाउन नपाउँदै बुधबार राती कञ्चनपुरको बेदकोट नगरपालिका २ मुक्त कमैया शिविरमा हात्तीको आक्रमणबाट एकजना वृद्ध घाइते भएका छन्।

राती १ बजेतिर आएको हात्तीको आक्रमणबाट सीताराम डगौरा घाइते भएका हुन्। उनको महाकाली अस्पताल महेन्द्रनगरमा उपचार भइरहेको बेदकोट नगरपालिका २ का वडा अध्यक्ष नरेश सिंहले बताए । घाइते डगौराको घरमा समेत क्षति पुगेको उनको भनाइ छ ।

पछिल्लो केही महिनायता कञ्चनपुरमा हात्ती आतंक बढेको छ । केही महिनाअघि कञ्चनपुरको शुक्लाफाँटा नगरपालिका १ मा पनि हात्तीको आक्रमणबाट एक वृद्धले ज्यान गुमाएका थिए । हात्तीको आक्रमणबाट कञ्चनपुरको बेदकोट नगरपालिकाकी एक महिला पनि घाइते भएकी थिइन्।

अन्नपूर्ण पोष्ट

प्रतिक्रिया