April 10, 2020

धादिङमा खेलाडी र रेफ्रिबीच झडप : एकको मृत्यु, एक गम्भीर

  22nd January 2020 मा प्रकाशित

दार्खा (धादिङ) : धादिङको खनियावास गाउँपालिका ४ दार्खा घाम्सामा युवाबीच झडप हुँदा १ जनाको मृत्यु भएको छ । घटनामा अर्का एक युवा गम्भीर घाइते भएका छन् ।मंगलबार राती साढे ७ बजेतिर घटना भएको स्थानीयले जानकारी दिएका छन्। अबेरसम्मसँग रहेका युवाको समूहबीच झडप भएको थियो ।

दार्खामा स्थानीय गुराँस युवा क्लबले फुटबल आयोजना गरेको थियो भने बुधबाको लागि फाइनल खेल तय भएको थियो । उक्त फुट‍बल खेलका खेलाडी र रेफ्रिबीच झडप भएको दार्खाबाट स्थानीयले टेलिफोनमा जानकारी दिएका छन्।

जिल्ला प्रहरी कार्यालय धादिङमा प्रमुख रविन्द्र रेग्मीका अनुसार दुई समुहबीचको पुरानो आपसी विवादको कारण झडप भएको हुनसक्ने प्रारम्भिक अनुसन्धानले देखाए पनि घटनाको विस्तृत अध्ययन भइरहेको छ । घटना भएको थाहा पाउने वित्तिकै प्रहरी प्रमुख रेग्मीसहितको टोली राती नै घटनास्थलतर्फ गएको थियो ।

झडपको क्रममा प्रेसर कुकर, फलामे ढुङग्रो र रडलगायतका वस्तु प्रहार गर्दा स्थानीय शान्त तामाङको घटनास्थलमै मृत्यु भएको हो । झडपमा परी गम्भीर घाइते भएका रविन तामाङलाइ जिल्ला अस्पताल धादिङमा सामान्य उपचार पछि बुधबार दिउँसो १ बजे काठमाडौं ल्याइएको हो ।

प्रतिक्रिया