लन्डन । सहारा यूकेले शनिवार सांझ एक च्यारिटी कार्यक्रम गरेको छ । अल्डरसटस्थित एम्पाएर हलमामा आयोजित उक्त च्यारिटी कार्यक्रममा बेलायतस्थित नेपाली सँघसंस्थाहरुको उल्लेख्य उपस्थिती रह्यो । सो कार्यक्रमबाट उठेको सहयोग रकम नेपालमा भूकम्प पछि भत्किएका विद्यालयको पुर्नरनिमार्णका लागि खर्चिने वताएको छ ।

संस्थाका अध्यक्ष दिलिप गुरुङको अध्यक्षतामा भएको कार्यक्रममा प्रमुख अतिथी वेलायतका लागि नवनियुक्त राजदूत डा दुर्गा बहादुर सुवेदी थिए । कार्यक्रममा गैरआवासीय नेपाली सँघ युरोप संयोजक कुल आचार्य, एनआरएनए यूके अध्यक्ष मुछेत्र गुरुङ, महेश गुरुङ लगायतले शुभकामना मन्तव्य दिएका थिए ।