April 9, 2020

कोरोनाभाइरसका कारण कुवेतमा ९० हजार नेपाली प्रभावित

  25th February 2020 मा प्रकाशित

काठमाडौं। ठूलो संख्यामा रोजगारीका लागि गएका नेपाली रहेको दक्षिण कोरियामा कोरोनाभाइरसको संक्रमण फैलिएको खबर सार्वजनिक भए लगत्तै ठूलो संख्यामा नेपाली भएको अर्को देश कुवेतमा पनि कोरोनाभाइरसको संक्रमण देखिएको छ । यहाँ झण्डै ९० हजारको हाराहारीमा नेपालीहरु रोजगारीका लागि गएका छन् ।

कुवेतको स्वास्थ्य मन्त्रालयले यहाँ तीन जनामा कोरोनाभाइरस संक्रमण पुष्टि भएको जानकारी दिएको छ । इरानको मशहदबाट फर्किएकाहरुको परीक्षणको क्रममा तीन जनामा संक्रमण भेटिएको पुष्टि भएको मन्त्रालयले जानकारी दिएको छ ।

मन्त्रालयका अनुसार कुवेतमा भेटिएका पहिलो संक्रमित व्यक्ति ५३ वर्षका कुवेती नागरिक हुन् । दोस्रो व्यक्ति ६१ वर्षका साउदी नागरिक हुन् र तेस्रो व्यक्ति २१ वर्षका युवक हुन् जसको राष्ट्रियता पुष्टि हुन सकेको छैन । तीनै जनालाई निरन्तर निगरानीमा राखिएको मन्त्रालयले जानकारी दिएको छ ।

प्रतिक्रिया