July 5, 2020
2:21 AM | 7:06 AM

मोदीको मुड ठीक छैन : ट्रम्प

  29th May 2020 मा प्रकाशित

न्यूयोर्क । अमेरिकी राष्ट्रपति डोनाल्ड ट्रम्पले जारी सीमा विवादका कारण भारतका प्रधानमन्त्री नरेन्द्र मोदीको मुड ठीक नरहेको टिप्पणी गरेका छन् । ओभलमा आयोजित पत्रकार सम्मेलनमा ट्रम्पले चीनसँगको सीमा विवादको विषयलाई लिएर भारतका प्रधानमन्त्री मोदीको मुड ठीक नरहेको टिप्पणी गरेका हुन् ।

उनले चीन र भारतबीच देखिएको सीमा विवाद समाधानका पनि आफु मध्यस्तता गर्न तयार रहेको पनि दोहोर्‍याएका छन । चीनसँगको सीमा विवादबारे भारतीय प्रधानमन्त्री मोदीसँग आफूले कुरा गरेको पनि ट्रम्पले उल्लेख गरेका छन ।

सीमा विवादलाई लिएर भारत र चीन दुबै देश खुसी नरहेको उनको भनाइ छ । यसअघि पनि ट्रम्पले ट्वीट गर्दै चीन र भारतको सीमा विवाद समाधानका लागि आफू मध्यस्थता गर्न तयार रहेको बताएका थिए । यसबारे चीनले कुनै प्रतिक्रिया जनाएको छैन ।

प्रतिक्रिया