नेपालब्रिटेन डट कम्
लन्डन । गैरआवासीय नेपाली संघ बेलायतमा गत वर्ष भएको आर्थिक घोटालाको छानविन गर्न समिति गठन भएको छ ।
गैरआवासीय नेपाली संघ (एनआरएनए) की अध्यक्ष पुनम गुरुङ्गका अनुसार आइतवार सम्पन्न संघको बैठकले गत कार्यकालको आर्थिक प्रतिवेदनमाथि छानविन गर्न एक समिति गठन गठन गरेको हो ।
तीन सदस्यीय समितिमा एलएन पाण्डे, बुद्धि गुरुङ र डा. मुकुन्द बास्तोला छन् ।
सो समितिले ४ साताभित्र छानविन प्रतिवेदन पेश गर्न भनिएको छ ।
बैठकमा कोषाध्यक्ष तेजेन्द्र रोकामगरले आम्दानी खर्च विवरण प्रस्तुत गरेका थिए । बैठकले अब त्रैमासिक रुपमा आर्थिक प्रतिवेदन पेश गर्ने निर्णय गरेको छ ।
संघलाई च्यारिटीमा दर्ता गर्ने सम्बन्धमा उपाध्यक्ष सुनिलबाबु खडकाले संयोजन गर्ने गरि प्रक्रिया अगाडि बढाउने निर्णय भएको छ ।
त्यसैगरि, संघसंस्था प्रतिनिधि बैठक (काउन्सिल बैठक) समन्वय गर्ने जिम्मेवारी उपाध्यक्ष रोजिनाप्रधान राईलाई दिइएको छ ।
साथै बैठकले अल्डरसटमा बन्न लागेको पहिलो गोर्खा भिसीको सालिक स्थापनार्थ सहयोग गर्न उपाध्यक्ष सुनिल खड्कालाई सहयोग संकलन गर्ने जिम्मा दिइएको महासचिव फडिन्द्र भट्टराईले जानकारी दिएका छन् ।
यस्तै गैरआवासीय नेपाली संघ युकेको विधान संशोधन गर्न एक समिति पनि गठन गरेको छ । उक्त समितिमा नारायण कंडेल संयोजक र सदस्यहरु सरस्वती केसी, डा. रामकुमार अधिकारी, आइसीसी सदस्यद्धय रामशरण सिम्खडा, दयानिधि सापकोटा, महेश गुरुङ र सदस्य सचिवमा नारायण गाउंले रहेका छन् ।
बैठकले संघका संरक्षक एवं पूर्व अध्यक्ष महेन्द्र कंडेलको संयोजकत्वमा सहित ५ सदस्य अनुशासन समिति समेत गठन गरेका छ ।
बैठकले लेखा समिति समेत गठन गरेको छ सो समितिमा कोषाध्यक्ष तेजेन्द्र रोकामगर, शेरबहादुर सुनार, एलएन घिमिरे, दीपक गुरुङ र शर्मिला हिराचन थकाली रहेका छन्।
