October 1, 2020
9:19 PM | 2:04 AM

सन्दीपले एक विकेट लिएको खेलमा जमैका पराजित

  06/09/2020 मा प्रकाशित

काठमाडौं । जमैका तलाबाजले क्यारेबियन प्रिमियर लिगको सेमिफाइनलमा ट्रिबागो नाइट राइडर्ससँग खेल्ने भएको छ । गएराति जमैका बार्बाडोज ट्रिडेन्ट्ससँग सात विकेटले पराजित भएपछि सेमिफाइनल समिकरण तय भएको हो ।

सुरुमा ब्याटिङ गरेको जमैकाले चार विकेट गुमाएर एक सय एकसठ्ठी रन बनाएको थियो । जवाफमा बार्बाडोजले १८ दशमलब २ ओभरमा ३ विकेटमा १ सय ६५ रन बनायो । बार्राडोज भने प्रतियोगितावाट बाहिरिइसकेको छ । जमैकाको प्रतियोगितामा यो पाँचौ हार हो ।

खेलमा नेपाली स्पिनर सन्दीप लामिछानेले ४ ओभरमा २६ रन दिएर १ विकेट लिए । बार्बाडोजका कप्तान जसन होल्डरलाई उनले आउट गरेका हुन् । अब जमैकाले लिग चरणमा एक खेल खेल्न बाँकी छ । जमैका ९ खेलबाट ७ अंक सहित चौथो स्थानमा रहेको छ ।

प्रतिक्रिया