नेपालब्रिटेन डट कम्
लन्डन । क्षेत्री समाज वेलायतको निवर्तमान अध्यक्ष तथा भूपू गोर्खा सैनिक राजनकुमार क्षेत्री एक प्रतिष्ठित अवार्डको लागि मनोनयन भएका छन् ।
स्वीन्डन क्षेत्रमा सामाजिक क्षेत्रमा उत्कृष्ठ काम गरे वापत प्राप्त हुने पल स्टेपेनसन अनसङ अवार्डको लागि उनी मनोनयनमा परेका हुन् ।
सो अवार्डको लागि नाम मनोनयमा पर्ने उनी पहिलो नेपाली हुन् ।
सन् १९८५ मा ब्रिटिस सेनामा भर्ती भएर सन् २००१ मा अवकास पाएका क्षेत्री सन् २००५ देखि बेलायतको स्वीन्डनमा स्थायी बसोबास गर्छन् । २००६ सालमा यस NAW सँस्थाको स्थापना भएको र उहाँ यस सँस्थाको सँस्थापक सदस्य तथा सास्कृतिक सचिब हुँदै स्वीन्डन बरो काउन्सिलसँग राम्रो सम्बन्ध बनाएका क्षेत्री सन् २०१२ मा संस्थाको अध्यक्ष भए । उनी अध्यक्ष भएपछि नेपाली दूतावास लन्डनमा गइ एमआरपी पासपोर्टका लागि स्वीन्डनबाटै फर्म भर्न पर्छ भनेर कर्मचारी ल्याएर ५ सय जनाले त्यहीबाट पासपोर्ट लिएका थिए ।
नेपालमा ठूलो भइँचालो जाँदा २२ हजार पाउण्ड उठाएर नेपाल पठाएका थिए भने कलेज पढ्ने विद्यार्थीलाई आईसीटी कार्ष एक वर्षको समुदायमा गराएका थिए । एसआईए कोर्ष पनि त्यहीबाट गराउने व्यवस्था मिलाएका क्षेत्रीले नेपाली भाषा कक्षा सञ्चालन गरेका थिए ।
अंग्रेजी भाषाको समस्या हुनेलाई कक्षा सञ्चालन गरिएको थियो भने निःशुल्क दोभाषेको काम अस्पतालमा गरेका थिए । समुदायभित्र विभिन्न सिप र ज्ञानमुलक कोष गराएका थिए ।
यस्तै ब्राइट फ्युचर सस्थालाई ८ हजार पाउण्ड र कोभिड-१९ मा १० हजार NHS लाई NAW सस्थाले दिएकोमा उनको पनि सहयोग रहेको छ ।
उनले नेपालमा आफू जन्मेको ठाउँ स्याङ्जालाई एउटा एम्बुलेन्स उपलब्ध गराएका थिए भने भुइँचालोबाट क्षतिग्रस्त स्कुलमा २ कोठाको विद्युतीय पुस्तकालय बनाएका थिए ।
स्वीन्डनका विभिन्न च्यारिटी संस्थासँग मिलेर काम गरेको क्षेत्री अहिले स्वीन्डन चौतारी लायन्स क्लबको उपाध्यक्ष भएर काम गरिरहेका छन् ।
