पुलिसले म्याराडोनाको उपचारको क्रममा कुनै किसिमको लापरवाही भएको हुन सक्ने सम्भावनाको जाँच गरिरहेको छ । म्याराडोनाका वकिल र परिवारले डाक्टरले उपचारको क्रममा लापरवाही गरेको मान्दै आएका छन् । म्याराडोनाकी छोरीले डाक्टरले उनलाई सही औषधि नदिएकोले उनको ज्यान गएको आरोप लगाएकी थिइन् ।

६० वर्षका म्याराडोनाको २५ नोभेम्बरमा हृदयाघातका कारण अर्जेन्टिनाको राजधानी ब्युनस आयर्समा ज्यान गएको थियो । म्याराडोनाका वकिल माटियास मोरेलाले उनको निधनको जानकारी सार्वजनिक गरेका थिए । यसअघि नोभेम्बरको सुरुवातमा म्याराडोनाको मस्तिष्कको सफल शल्यक्रिया गरिएको थियो । यसका अलावा मदिराको लत छुटाउन उनको उपचार भइरहेको थियो । म्याराडोनाका वकिल माटियास मोटालाले उनको मृत्युबारे उठेका आशंकको विस्तृत छानबिनको माग गरेका छन् । मोटालाले म्याराडोनाको घरमा एम्बुलेन्स पुग्न ३० मिनेटभन्दा धेरै समय लागेको बताउँदै अस्पतालमाथि उपचारमा ढिलाइ गरेको आरोप लगाएका छन् ।