नेपालब्रिटेन डट कम्
काठमाडौं । नेपालका लागि अमेरिकाका राजदूत र्यान्डी बेरीले नेपालीहरुको पर्व शिवरात्रिको अवसरमा शुभकामना दिएका छन् । केही घण्टाअघि ट्विट गर्दै उनले आफूले ६ वटा शिवरात्रिको अनुभव गर्ने अवसर पाएको बताएका छन् ।
राजदूत बेरीले ६ वटा शिवरात्रि मनाउँने क्रममा खिचिएका मध्ये सबैभन्दा मनपर्ने तस्बिर पोस्टसमेत गरेका छन् । त्यो तस्बिर १३ वर्षअघि खिचिएको उनले बताएका छन् । तस्बिरमा उनी दुईजना जोशीका बीचमा प्रफुल्ल मुद्रामा देखिएका छन् ।
‘महाशिवरात्रीको शुभकामना । मैले नेपालमा झन्डै ६ वटा शिवरात्रीको धुमधाम अनुभव गर्ने अवसर पाएको छु’, उनले नेपाली भाषामै ट्विट गर्दै उनले लेखेका छन्, ‘र, तीमध्ये मलाई सबैभन्दा मनपर्ने यो तस्बिर चाहिँ १३ बर्षअघिको हो । तपाईँहरू सबैको दिन शुभ रहोस् । ह्याप्पी महाशिवरात्रि -२०२१ !’
’
राजदूत बेरी प्रायः नेपालमा मनाउने सबै पर्वका अवसरमा शुभकामना दिने गर्छन् । यस्ता अवसरमा उनले नेपालीमै ट्विट गर्ने गरेका छन् ।
महाशिवरात्रीको शुभकामना। मैले नेपालमा झन्डै ६ वटा शिवरात्रीको धुमधाम अनुभव गर्ने अवसर पाएको छु र तीमध्ये मलाई सवैभन्दा मनपर्ने यो तस्वीर चाहिं १३ बर्षअघिको हो। तपाईंहरू सबैको दिन शुभ रहोस्। Happy #Mahashivaratri2021! ? pic.twitter.com/ivuqhAOz11
— Ambassador Randy Berry (@USAmbNepal) March 11, 2021
