लन्डन । गैरआवासीय नेपाली संघ (एनआरएनए) यूकेको अध्यक्षमा सुनिल खड्काले उम्मेदवारी दिने भएका छन् ।

उनी वर्तमान कार्यसमितिका उपाध्यक्ष तथा च्यारिटी विभागका प्रमुख हुन् ।

उनी वेलायतमा विगत १० वर्ष देखी क्याटरिङ्ग व्यवसायमा सकृय छन् । खड्का प्रोपर्टी व्यवसायमा समेत संलग्न छन् ।

खड्काले संघको जुलाईमा हुने महाधिवेशनमा अध्यक्षमा उम्मेदवारी दिन लागेको पुष्टि गर्दै नेपालब्रिटेन डट कमलाई भने ‘संस्थाको उपाध्यक्ष भएर आफ्नो जिम्मेवारी पुरा गरेको महशुस गरेको छु । आफ्नो अनुभव र शुभेच्छुकहरु आग्रहमा उम्मेदवारी दिने निर्णय गरेको छु।’

नेपालमा समेत क्याटरिङ्ग क्षेत्रमा सक्रिय उद्यमी खड्काको च्यारिटी र एनआरएनए अभियानमा लामो समयदेखिको निरन्तर आवद्धता छ ।

खड्काले कोरोना संक्रमित बिरामीलाई बचाउन अग्रपंक्तिमा खटिएका डाक्टर, नर्ससहित प्रहरी र अन्य क्षेत्रका कामदारलाई हजारौको संख्यामा निशुल्क खाना खुवाएर चर्चा बटुलेका थिए ।