लन्डन । बेलायतका तमुहरुले आफ्नो महान पर्व ‘ल्होछार’ भव्य 
समारोहबीच मनाएका छन् । तमुधिं यूकेले शनिबार रेडिङस्थित रिभरमेड लिजर कम्प्लेक्समा हजारौं सहभागीबीच १६ औं ल्होछार कार्यक्रम गरेको हो ।

तमुहरुको मौलिक उक्त महान पर्वमा गुरुङ जातिका सांस्कृतिक पहिचान झल्कने वेशभूषा र नाचगान प्रदर्शन गरियो । नेपालबाट आएका गायक गायिकाहरु मिलन अमात्य, मनोज गुरुङ, सम्झना लामिछाने, मधुसुदन थापा, बिग आइकन साजन आलेले गायन प्रस्तुत गरे भने विभिन्न तमुधिं इकाइले आफ्नो मौलिक नाच देखाएका थिए ।

कार्यक्रमलाई सम्वोधन गर्दै प्रमुख अतिथी राजदूत डा. दुर्गाबहादुर सुवेदीले गुरुङ संस्कार र संस्कृतिले नेपाल र नेपालीको पहिचान अनि प्रतिष्ठा विश्वभर बढाएको धारणा राखे । उनले विविधतामा एकता नेपालको विशेषता भएको चर्चा गर्दै नेपालीहरु सयौं थुंगा फूलमा उनिएको एउटा सुन्दर माला जस्तै भएको बताए ।

प्राज्ञ एवं संस्कृतिवीद डा. जगमान गुरुङले ल्होछार महत्वमाथि प्रकाश पारे । कार्यक्रम संयोजक एवं नवनिर्वाचित तमुधिं यूके अध्यक्ष ज्ञाम गुरुङले औपचारिक कार्यभार सम्हाल्ने क्रममा बेलायतमा तमु ल्होछार बेग्ला बेग्लै मनाइने परम्परा अन्त्य गर्दै आगामी वर्षदेखि सामूहिक ल्होछारको पहल गर्ने बताए । उनले तमुधिं यूके स्थापनाको १६ वर्ष अवधिमा संस्थाले जातीय उत्थान, कला संस्कृतिको जगेर्ना तथा सामाजिक सेवामा अहंम भूमिका निर्वाह गरेको उल्लेख गर्दै आफ्नो कार्यकालमा तमु भवनको भौतिक संरचना अझ परिवर्तन 
गर्ने प्रतिवद्धता समेत व्यक्त गरे । तमुधिं यूके निवर्तमान अध्यक्ष सूर्जे 
(रामचन्द्र) गुरुङले आफ्नो कार्यकालमा सहयोग गर्ने सबैप्रति आभार व्यक्त गरेका थिए ।

उक्त अवसरमा जिसिएसइ, ए लेभल र विश्वविद्यालय पढाइमा उत्कृष्ट अंक ल्याउने विद्यार्थीलाई डा. हर्क एवं डा. चन्द्र अवार्ड तथा समाजसेवीलाई कम्युनिटी अवार्ड प्रदान गरियो । अवार्ड कार्यक्रम हरिकाजी गुरुङले सञ्चालन गरेका थिए । संस्थाले ल्होछारको अवसरमा फ्रेंसी पत्रिका विमोचन समेत गरेको छ । उक्त पत्रिकाका सम्पादक हुन् रोहित गुरुङ ।

कार्यक्रममा नेपालबाट आएका विशेष अतिथीहरु घाकर रिम्पोछे, धरम गुरुहरु लगायत हजारौं सहभागी भए । कार्यक्रम शुरु हुनु अघि क्याप्टेन सूर्यप्रकाश गुरुङले हेल्थ एण्ड सेफ्टी ब्रिफ गरेका थिए भने बेलायत र नेपालको राष्ट्रिय गान बजाइएको थियो । त्यसै अवसरमा तमुधिं यूकेले नेपाली मेलामा केन्द्रित भएर निर्माण गरेको म्यूजिक भिडियो समेत सार्वजनिक गरियो जसको निर्देशन कुशल श्रेष्ठले गरेका छन् । महासचिव हरि गुरुङले सञ्चालन गरेको उक्त कार्यक्रममा सहसंयोजक कृष्ण गुरुङले स्वागत मन्तव्य दिए ।
संस्थाले ल्होछारको अघिल्लो दिन ३० डिसेम्बरमा बीसीसी यूके गुम्बा, अल्डरसटमा धार्मिक पूजा समेत गरेको थियो ।

15826645_1757424147911631_2396926087168567250_n

15741230_1757422381245141_1502489633107044281_n

15741289_1757421927911853_4393180628056929509_n

15747683_1757424361244943_159797869240656368_n

15822893_1757423134578399_3294290333321274390_n

15823312_1757421701245209_3757635262544661391_n

15823426_1757422104578502_2920407005094134601_n

15823535_1757422891245090_6720114831048807008_n

15826072_1757423401245039_3562125656071307732_n

15826189_1757421934578519_1338914697946810552_n

15826529_1757422767911769_6572233266271479779_n
-फोटो – बिरेन्द्र श्रेष्ठ