September 19, 2021
12:12 AM | 4:57 AM
डायस्पोरा

नेपालको आर्थिक विकासमा अब एनआएनएले सघाउँछ : उपाध्यक्ष डा केसी

  08/09/2021 मा प्रकाशित

लण्डन । गैरआवासीय नेपाली संघ (एनआरएनए) का केन्द्रिय उपाध्यक्ष तथा अध्यक्ष पदका प्रत्यासी डा. बद्री केसीले नेपालमा समृद्धिका लागि आर्थिक विकास आवश्यक भएको र त्यसका लागि एनआरएनएले नेपाल सरकारलाई सघाउने जनाएका छन् ।
एनआरएनएको दशौं महाधिवेशनको तयारी र आफ्ना चुनावी एजेन्डाबारे कुरा गर्दै केसीले आफूहरु नेपाललाई आर्थिक, बौद्धिक तथा प्राविधिक रुपमा सघाउनका लागि तयार रहेको बताए । केसीले एनआरएनले स्थापना गरेको कम्पनीमार्फत् केही समयभित्रै विदेशमा बस्ने १० लाख नेपालीलाई नेपालको अर्थतन्त्रसँग जोड्ने बताए ।

‘नेपालको आर्थिक विकासका लागि एक दुईजनाले मात्र लगानी गरेर हुँदैन,’ केसीले भने ‘त्यसका लागि धेरैभन्दा धेरै सदस्यहरुले सक्दो लगानी गनुपर्छ ।’ एनआरएनएले १० अर्बको कम्पनी स्थापना गरिसकेको जनाउँदै डा. केसीले त्यसमा सदस्यहरुले एक अर्ब लगानी गरिसकेका जनाए । उनका अनुसार उक्त कम्पनीमा नेपाल सरकारले ५० करोड लगानी गरेको छ ।

बा“की ८ अर्ब ५० करोड रुपैया बराबरको लगानी विदेशमा बस्ने नेपालीहरुले छिट्टै आइपीओमार्फत गर्न सक्ने केसीले जनाए । सन् २०११ मा संयुक्त लगानीको अवधारणासँगै एकहजार जनाको सहभागीतामा सुरु भएको एनआरएन इन्फ्रास्ट्रक्चर कम्पनीले नेपालका विभिन्न जलविद्युत आयोजनामा लगानी गरिसकेको छ ।

विदेशमा बस्ने नेपालीहरुबीच भाईचारको सम्बन्ध स्थापित गर्न, विदेशमा सिकेको सीप नेपाल भित्र्याउने र नेपालको आर्थिक विकासमा योगदान पु-याउने लक्ष्य राखेर एनआरएनए स्थापना भएकाले त्यसका लागि आफू प्रतिवद्ध रहेको केसीको भनाइ छ ।

अध्ययनका लागि सन् १९९० मा रुस पुगेका केसीले सन् १९९६ मा बायोटेक्नोलोजी विषयमा स्नातकोत्तर उत्तीर्ण केसीले २००१ मा सोही विषयमा बिद्याबारिधी गरेका हुन् । हाल उनले रुस र युक्रेनमा उत्पादन तथा आयात–निर्यातसम्बन्धी व्यवसाय गर्दै अँएका छन् । त्यसका साथै केसीले नेपाली चियालाई रुसलगायत देशमा लगेर ब्रान्डिङ गर्दै आएका छन् ।

डा। केसी निरन्तर १८ वर्षदेखि एनआरएनएमा आवद्ध छन् । सन् २००७ मा एनआरएन रुसको महासचिवमा निर्विरोध निर्वाचित भएका केसी सन् २००९ देखि ४ वर्ष केन्द्रिय सदस्य भएका थिए । सन् २०१३ मा कोषाध्यक्ष पदमा निर्वाचि केसी सन् २०१५ देखि दुई कार्यकाल महासचिव बने । एनआरएनएको पछिल्लो कार्यकालमा उपाध्यक्ष रहेका डा. केसी विदेशमा दुःख पाएका नेपालीहरुको उद्धार र राहतका क्षेत्रमा निकै सक्रिय छन् ।

प्रतिक्रिया