September 19, 2021
11:23 PM | 4:08 AM
ताजा खबर

बेलायती महारानी एलिजाबेथले राजा वीरेन्द्रलाई उपहार दिएको त्यो बग्गी (भिडियो )

  14/09/2021 मा प्रकाशित

बेलायती महारानी एलिजाबेथले तत्कालीन राजा वीरेन्द्र शाहलाई उपहारस्वरूप दिएको गोल्डेन बग्गी आज सोमबारदेखि नारायणहिटी दरबार संग्रहालयमा राखिएको छ। राजाले प्रयोग गर्न छाडेपछि उक्त बग्गी नेपाली सेनाले क्यावलरीमा राखेको थियो। लामो समय सेनाले राखेको उक्त बग्गी सरकारले सर्वसाधारणले हेर्न पाउने गरी संग्रहालयमा राखेको हो।

सोमबार संस्कृति, पर्यटन तथा नागरिक उड्डयन मन्त्रालयका सचिव यादवप्रसाद कोइरालाले दरबार संग्रहालयमा राखिएको बग्गीको उद्घाटन गरेका थिए। संग्रहालयमा राखिएको उक्त बग्गीलाई एक कोठामा राखिएको छ।

हनुमानढोका संग्रहालयका सूचना अधिकारी बुद्धि गुरुङले ०३१ सालमा राजा वीरेन्द्र सोही बग्गी चढेर हनुमानढोका हुँदै नारायणहिटीसम्म पुगेको बताए। त्यतिवेला नै बेलायती महारानी एलिजाबेथले सो बग्गी राजा वीरेन्द्रलाई उपहार दिएकी थिइन्। बग्गीबारे अन्य विवरण थाहा नभएको सूचना अधिकारी गुरुङले बताए। उनले भने, ‘०३१ सालतिर बेलायती महारानीले बग्गी उपहार दिएकी हुन्। केही समय राजा वीरेन्द्रले प्रयोग गरेका थिए। राजाको मृत्युपछि बग्गी सेनाले राखेको थियो।’

प्रतिक्रिया