May 25, 2022
3:28 PM | 8:13 PM
डायस्पोरा

बेलायतमा भेटियो ओमिक्रोन भेरियन्ट

  28/11/2021 मा प्रकाशित

अमेरिकाको एलर्जी र संक्रामक रोग राष्ट्रिय संस्थानका निर्देशक तथा बरिष्ठ सरुवा रोग विशेषज्ञ डाक्टर एन्थोनी फाउचीले कोरोनाको ओमिक्रोन भेरियन्ट अमेरिकामा पहिले नै छिरिसकेको हुनसक्ने र पत्ता लगाउनमात्र बाँकी रहेको हुनसक्ने बताएका छन् । अमेरिकामा अहिलेसम्म यो भेरियन्टको भाइरस पत्ता लगाउनमात्र बाँकी रहेको खण्डमा आफू आश्चर्यचकित नहुने र यस्तो प्रकारको भाइरस भएको खण्डमा सबैतिर फैलिने खतरा रहने भएकाले अमेरिकामा आइसकेको हुनसक्ने फाउचीले बताएका छन् ।

अमेरिकन सीडीसीले भने ओमिक्रोन भेरियन्ट अहिलेसम्म अमेरिकामा पत्ता नलागेको बताएको छ । भेरियन्ट भेटिएको देशबाट यात्रा प्रतिबन्ध लगाउनु भनेको स्थीतिको राम्रोसँग मूल्यांकनका लागि समय दिनु भएकाले अहिले नै नआत्तिन फाउचीले सुझाव दिएका छन् ।

यसैबीच बेलायतमा ओमिक्रोन भेरियन्टका दुईवटा मामलाहरु पुष्टी भएका छन् । दुईवटा मामलाहरु एकअर्कासँग सम्बन्धित रहेको र उनीहरुले दक्षिण अफ्रिकाको भ्रमण समेत गरेको जनाइएको छ । उनीहरुलाई परिवारका सदस्यहरुसहित आइसोलेसनमा राखिसकिएको छ । नटिंघम र चेल्म्सफोर्ड क्षेत्रमा लक्ष्यीत परीक्षण सुरु गरिने भएको छ ।

प्रतिक्रिया