September 24, 2022
6:33 PM | 11:18 PM
खेल

१० हजारले हेरे गोर्खा कप, खेल मैदान बन्यो मिनी नेपाल, (हेर्नुहोस् भिडियो / फोटो फिचर)

  05/06/2022 मा प्रकाशित

लन्डन । २० औं गोर्खा कपको विजेता एफसी केन्ट भएको छ ।

तमुधिं यूकेले आइतबार अल्डरसटस्थित क्वीन्स एभिन्यू खेल मैदानमा गरेको २० औं गोर्खा कप फुटबल प्रतियोगितामा एफसी केन्टले पहिलो उपाधि हासिल गरेको हो ।

यसपटक १६ देखि ३९ वर्ष उमेर समूहको मेन क्याटेगोरीमा ३२, भेटानतर्फ ८ र लेडिज मेनमा दुई टिमबीच प्रतिस्पर्धा भएको थियो ।
प्रतियोगितामा लन्डन आसपासबाहेक वेल्स, कोलचेष्टर, अक्सफोर्ड, योर्क, क्याटरिकसहित बेलायतका विभिन्न शहर र नेदरल्याण्डबाट समेत टिम सहभागी थिए ।
मेन विधातर्फ एफसी केन्ट विजेता बन्यो । निकै प्रतिस्पर्धात्मक फाइनल खेलमा राङभाङ समाज यूकेलाई २–१ गोलअन्तरले पराजित गर्दै एफसी केन्टले उपाधि जितेको हो । जीतसँगै एफसी केन्टले नगद २५ सय पाउन्ड, शिल्ड, ट्रफी र प्रमाणपत्रसहित पुरस्कार प्राप्त गरयो ।
गोर्खा कपमा प्यारासुट डिस्प्ले, तमु परम्परागत पोशाक र अन्य सामग्रीको स्टल, खाना र च्यारिटी स्टल, आर्ट एण्ड क्राफट स्टल, सयपत्री सांस्कृतिक समूहको सांस्कृतिक प्रस्तुति, गायिका एलिना गुरुङको गायन आदि मुख्य आकर्षण रहे ।
गोर्खा कपमा इंग्ल्याण्डकै क्लब टोटेनहम हटस्परमा आवद्ध फुटबलर सुश्री अस्मिता आले पनि सहभागी भएकी थिइन्।
औपचारिक कार्यक्रमका प्रमुख अतिथी रसमोर बरो मेयर काउन्सिलर जोन मार्सले आफ्नो क्षेत्रमा नेपाली समुदायको बाक्लो उपस्थितिप्रति प्रसन्न हुंदै नेपालीले रसमोरलाई क्रियाशिल बनाइरहेको बताए ।

प्रतिक्रिया