४२औं मिनेटमा मोहम्मद सलाहले लिभरपुलका लागि खाता खोलेका थिए । च्याम्पियन्स लिगको पछिल्लो चार खेलमा सलाहले गरेको यो छैटौं गोल हो । ४९औं मिनेटमा डार्विन नुनेजले लिभरपुलको अग्रता दोब्बर पारे । त्यसको तीन मिनेटपछि हार्भे इलियटले लिभरपुलका लागि तेस्रो गोल गरेका थिए ।
लिभरपुल पाँच खेलमा १२ अंकसहित समूह ए को दोस्रो स्थानमा छ । समान खेलमा १५ अंक जोडेको नेपोली शीर्ष स्थानमा छ । नेपोली यसअघि नै अन्तिम १६ मा प्रवेश गरिसकेको छ । तेस्रो स्थानको आयाक्सको तीन अंक छ भने चौथो स्थानको रेन्जर्सले अंक खाता खोल्न सकेको छैन ।
समूह चरणको अन्तिम खेलमा नेपोलीमाथि फराकिलो जित निकालेमा मात्र लिभरपुल समूह ए को विजेता बन्नेछ । समूह ए कै अर्को खेलमा नेपोलीले रेन्जर्सलाई ३-० ले हरायो
